Bischöflich Münstersches Offizialat
Für die Katholische Kirche im Oldenburger Land

Navigationsmenüs (Bischöflich Münstersches Offizialat)

Drei Mikrophone

„Dat kannst mi glööven“ mit Heinrich Siefer

De Welt rund üm us tau kann us as ein Billerbauk van Gott vertellen. Maria, Gotts Mudder, wieset us, wo dat geiht, dat Gott uk vandaoge noch tau de Welt kaomen kann. Poore, de ehr Läwen 25, 50 of uk 75 Johre mitnanner deilt hebbt, vertellt mit ehr Leven dorvan, wat Glowen un wat Leiwde is. Un de Himmel is manges gor nich so wiet wäge, de fang all unnen up Eern an. Manges jüst uk dor, wor wi ´t nich verwachtet. Un uk krumme Wege käönt över Ümwege bi Gott ankaomen. Nich bloß de besünners Fraomen seiht den Himmel intomeute. Doröver maoket sik disse Wäken Heinrich Siefer, Dozent in de Katholischen Akademie Stapelfeld, Gedanken.

  • De Welt vertellt van den Schöpfer - Montag, 15.05.2017

    De Wiske is ein Maolerfest, ein Farvendanz in gäl un rot un blaw. Överall blaiht de Blaumens, wiest sik frisket Greun an Busk un Boom. In jede Waoterstäe, dor schnabbelt wat. Dat Vogelvolk is quicklebennig un munter, trelleert un hüpket, verwaohrt de Nester. Hochbaoven schrillt Himmelszägen. Maitied.

    Mehr lesen

  • Ik weet! – Dienstag, 16.05.2017

    Inne Maitied lüüet in väle Karkengemeenden an ´t Wäkenenne de Hochtiedsklocken. Un dorüm wedd inne Maitied dann uk löter faoken de een off anner sülvern, gollen of diamanten Hochtied fiert. Manch goldene Hochtied häw ick all mitbeläwt. Dat mit antokieken un mittofiern is aaltied heller moi! Un mehr noch: - Dor kann man beläwen, wat „Glowen“ is: De Jubilare, wieset mit ehr Läwen un ehr Leiwde förnanner un mitnanner, wat Glowen mennt. Aohn väl Wööre segget se sik gegensietig eigentlick dit:

    Mehr lesen

  • Mittwoch, 17.05.2017 – Maria – eine van us

    De Bogenbarg in Bayern is een bekannten Wallfahrtsort. Besünners in de Maitied pilgert dor ´n Masse Lüüe hen. Dor giv dat ein heil interessant Marienbeld. Dat giv et so nich faoken. Wi kennt Maria mit dat Jesuskind up ´n Arm, off mit ehren dooen Säöhn up ´n Schoot. Man Biller, de wieset, wo Maria up de lessde Tied togeiht, so as dor up den Bogenbarg, giv dat bloß minne. Düüdelk seiht wi dor Marias rund buuket Liev. Ein Kind bargt sik bi ehr. Ehre Hannen ligget dor tosaomefaolt, wor dat Kind is. So kann man ´t faoken bi väle Frauen seihn, wenn ´n Kind ünnerwegens is. Marie schinnt bliede to wäsen. Sei frait sik up dat Kind. Ünner ehr Hannen is ein Kläppken to seihn – mit ´n Kind d´rin affbild´t. Et wieset Jesus. Hei steiht dor pielup in ehrn Buuk, as ein utwassen lüttken Menske. Wat heff sik de Billermaoker dor bi dacht, fraogt man sik.

    Mehr lesen

  • Freitag, 19.05.2017 – „De Himmel krigg ein Gesicht“

    Token Wäken Dönnerdag fiert de Karken Christi Himmelfohrt. Ein Fest, wor gaue Frönne van´anner Affscheid nähmt. – Dat passt ja seläve nich tosaomen, so schinnt dat. Wisse dann nich, wenn wi dissen Affscheid as ´n Enne van ´n Weg mit einen gauen Frönd anseiht, den wi nie nich we´erseiht. Veiertig Daoge nao Ostern wedd Jesus in´n Himmel upnaohmen. He nümmt den Platz in, de üm tausteiht. „He sett´t sik an Gott sien rechte Siete.“ Dor kummt he her – dorhen geiht he we´er trügge. In Paulus sienen Breif an de Epheser läst wi: „Un he hett us mit üm upweckt un us mit üm tosaomen einen Platz in ´n Himmel schenkt, denn wi hört ja Christus to.“ (Eph 2,6)

    Mehr lesen

  • Kontakt

    Portrait Heinrich Siefer
    Heinrich Siefer

    Beauftragter für plattdeutsche Verkündigung im Rundfunk (kath.)

    Katholische Akademie Stapelfeld

    Link