Bischöflich Münstersches Offizialat
Für die Katholische Kirche im Oldenburger Land

Navigationsmenüs (Bischöflich Münstersches Offizialat)

Drei Mikrophone

„Dat kannst mi glööven“ mit Pfarrer Peter Kossen

  • Montag, 12. Juni 2017 - Jesus läwt! Sien Geist driff us an!

    Klock twölwe jeden Middag gaiht `n öllern, einfachen Mann inne Karken un kump d´ bold weer herut. Dei Pastor krich dat inne Künne, un hei fraogt üm: „Wat daut Sei jümmers inne Karken?“ „Bäen“, säg dei Mann. „In den kotten Moment?“, dei Pastor weit nich recht. „Ick kann kien lang Gebett“, dei Beseuker is ehrlich. „Ick gaoh alle Daoge üm twölwe d´ herin un sägg: Jesus, hier is Johannes.“

    Mehr lesen

  • Dienstag, 13. Juni 2017 - Et is nu sowiet, draiht üm. Gott´s Riek is dicht bi!

    Dat was in `n August verläden Jaohr. Warkeldaogsmorgens seet ick in `t Büro van den Chef van eine groote Schlächterei in `n Nordkreis Cloppenburg. `n Bekannten haar den Termin maokt: „Du moss mit üm schnacken. Dei is nich at dei ännern, hei will dat bäter maoken mit dei Arbeiters…“ Dei Chef böt mi `n Stauhl an un gööt `n Kaffee in. Dann schült hei mi düchdig ut: „Sei hebbt jümmers `n grooten Mund! Sei wät gaor nich, wat dat bedüürt, so `n Laoden an `t Loopen tau holen! Wo is dat dann mit dei Karken? Daor is uck lang nich aals sauber…!“

    Mehr lesen

  • Freitag, 14. Juli 2017 - Nu koamt man, et staiht aal paraot!

    Sr. Eveline hett 1978 in Mönster den „Treffpunkt“ anne Clemens-Karken gründ´t. Dat was dei „Treffpunkt“ för ehre Frönde van d´ Straoten. Sr. Eveline gew ehr tau äten un tau drinken, `n Stäe taun Duschen un `n Ohr för aals, wat dei Obdachlosen ehr vetellen wullen. In Rechterfeld is Sr. Eveline at Meyers Mia born un upwussen. „Wi haarn kien Geld, aower aals taun Läben: dei Leiwde van uuse Öllern un ein Tauhuus“, so hett Sr. Eveline faoken vetellt. Un beides hett sei jeden Dag mit Fraide an ehre Frönde van d´ Straoten veschunken: Leiwde un ein Tauhuus. Wektien, so vetellde Sr. Eveline, köäm dat Gespräk in `n „Treffpunkt“ sogaor up `n Herrgott off `n Häven. „Ji weert tau eierste bedeint“, dat hett Eveline ehre Lüe vespraoken. „Wenn dei Herrgott inlaodt tau dat groote Maohl, dann sünd ji ganz vörn. Ick hebbe hier up d´ Ehrn all vääl Gaues, un ick frai mi, wenn ick dann an `t Fenster van `n Häven staoh un taukieken draw…“

    Mehr lesen