Bischöflich Münstersches Offizialat
Für die Katholische Kirche im Oldenburger Land

Navigationsmenüs (Bischöflich Münstersches Offizialat)

Drei Mikrophone

© Fotolia.com/ Jürgen Fälchle

„Dat kannst mi glööven“ mit Heinrich Siefer

Van den Novembermaand mit aal dat, wat de so mit sik bringen deit, vertellt Heinrich Siefer disse Week. He fraogt, wo is dat mit dat Düüster in ´t Leven? Wo kummt man dordör? Wat is nödig, dat wi tofräe leven käönt? Un wor kummt dat up´tlessde in ´t Leven würkelk an? Wor is mien Schatz un wat is mit de, de all dootbleven sünd?  Un woso gaoht Kinner an´n 11. November mit Laternens in Düüstern dör de Straotens?  Doröver maoket sik disse Wäken Heinrich Siefer, Dozent in de Katholischen Akademie Stapelfeld, Gedanken. 

  • Montag, 06.11.2017 – Novembermaand

    Wind weihet üm dei Huusecken, schleit einen liek in ´t Gesicht. Rägen pladdert naohdaol. Külde kröpp einen ünner ´t Jack. Kraihen rieget sick nattschwatt up naockde Täuger. November. In Düüstern geiht man morgens ut ´n Huuse, in Düüstern kummp man aobends weer in. Dor kanns manges uk woll dat düüster Denken bi kriegen un in ´t Düüstere versacken. November. Wi denkt an de Dooen, de us up ehren Läwenspadd all vörut gaohn bünd. Wi denkt an de, de in Krieg un Not dootbläwen sünd. Novemberdaoge sünd Maohndaoge. Groot wat to fiern, giv dat dor nich. Nich eis maol de Natuur lenkt us dorvan aff, dat wi an Dood un Vergaohn denket. Aals is kaohl, gries un düüster. Faoken geiht use Weg in ´n November up ´n Karkhof. Allerhillgen, Allerseelen. Dooensönndag. Volkstruuerdag. Graffstäen wedd upfleiet. Lechter ansticket un up ´t Graff stellt.  Een Lecht ansticken, wenn ´t düüster weed – een moi Teiken.

    Mehr lesen

  • Dienstag, 07.11.2017 - Up ´n Karkhoff

    För gaue hunnert Johr is ein Jürnjakob Swehn van Meckelnborg nao Amerikao utwannert. Een Johannes Gillhoff häff ein Bauk över Jürnjaokob Swehn, den Amerikaofaohrer, schräwen. Dor kann man uk de Breiwe an sienen fräuhern Schaulmester in naoläsen. Jürnjakob schriv, wo hei in Amerikao taurechte kaomen is. So vertellt hei uk maal, dat sei ´nen neien Karkhoff anleggt häbbt, dicht bi de Karken. De olle was nich mehr groot naug wäsen. Hei denkt dann uck doräöwer naoh, wat de Dooen un de Lebennigen mitnanner tau daun häbbt. Hei was Buur, kien Theologen. Lustert eis maol, wat he vertellt: 

    Mehr lesen

  • Mittwoch, 08.11.2017 - Dat Krüüz mitdrägen

    As Kind kennde ik dat nich anners. Wenn in usen Dörpe einer doodkrank was, dann fäuherden Naobers, Frönde un Familge taun Krüüzdrägen naoh Laoge. Wenn ´t besünners leip üm den Kranken stünd, manges uk dat heile Dörp. Laoge is ´n Wallfahrtsaort, nich wiet van Ossenbrügge. Dor wedd dann ein gewaltig grootet Krüüz üm de Laoger Karken ümtaudraogen: Gaue dreiunhalf Meter hoch, annerthalf Meter breit un dreihunnert Pund schwaor. Dor mäöt ein paor Lüüe her, üm dat man dat Krüüz up de Schullern drägen kann.

    Mehr lesen

  • Donnerstag, 09.11.2017 – Du büst mien Schatz!

    „Hebb ´n Ooge up de, de nicks to bräken un to bieten hebbt, laot se nich hangen, wenn se in de Bredullje kaomen sünd. Sett dien Geld in för Frönde un Verwandte, laot et nich unnern Stein up Duur rustrig weern, bit et nicks mehr wert is. Legge di einen Schatz to, so as dat schräwen steiht in den sien Woort, de Himmel un Eern maoket heff. Van so ´n Schatz hest du up Duur mehr van as van aale dat Geld.“ 

    Mehr lesen

  • Freitag, 10.11.2017 - Sankt Martin

    Dat was up dat Johr 334. Martin was as Saldaot up ´n Posten in Amiens in Frankriek. Ies un Schnei harn dat Land in Gripp. Laote an ´n Aobend was Martin in ´n Gallop mit sien Peerd up ´n Weg in de Stadt. Mit´nmaol bleev sien Peerd staohn, dichte bi de Poorten, wor dat nao de Stadt ringaohn dö. Dor leeg einer, dünne Plünnen an ´t Lief, verklaomt un dörfroren. Liese hörde Martin wo de Bädelmann sä: „Mi is ´t so kold tau. Help mi!“ Glieks nöhm he sien Schwert un deilde dormit sienen Saldaotenmantel in twei Deele dör. Den einen Deel gev he den Bädelmann un mennde: 

    Mehr lesen

  • Kontakt

    Portrait Heinrich Siefer
    Heinrich Siefer

    Beauftragter für plattdeutsche Verkündigung im Rundfunk (kath.)

    Katholische Akademie Stapelfeld

    Link